16 des. 2013

Desvalhestament, damb lh.

Darrèrament è tot soent era sensacion qu’es aconteishements se precipiten caoticament, e que controladi pes interèssi de quauqui autoproclamadi messies, sonque hèn qu’alimentar crispacions, faussetats e òdis que, en nòm deth progrès e dera defensa dera dignitat des persones, tenhíssen cada còp mès de nere eth futur que mos aperten a toti e totes.
Aguesta corrent messianica a arribat tanben en Aran, ua corrent que proclame lèu era fin deth mon en cas de non combregar damb ues tèsis o d’autes, e mès encara, qu’etiquete coma “anticrist” a toti aqueri que non ac hèn. Profètes sense ofici ne benefici qu’an desintegrat tot aquerò que les a arribat enes mans tostemp que n’an agut era ocasion, e que sagen d’apoderar-se de simbèus e identitats, que tanben son de toti, e des qu’en d’auti tempsi renegauen, entath sòn benefici personau e partidista.
Enes institucions araneses governades per Convergéncia Democratica Aranesa aguest messianisme s’a convertit dejà ua manèra de víuer. Sonque cau comprovar era innaccion installada en Conselh Generau d’Aran, a on un sindic Barrera dedique toti es sòns esfòrci a mantier eth seguidisme e era obediéncia cèga ath govèrn dera Generalitat e ath president Mas, encara qu’aquerò signifique anar contra es interèssi d’Aran: accèpten retalhades en pressupòst que supòsen era condemna ath desbrembe deth nòste país e dera sua gent, accèpten que non i age cap inversion en Aran dempús des aiguats e mentrestant er aeropòrt de La Seu d’Urgell recebe mès d’un milion d’euros dera Generalitat…e tot açò damb grana dòsi de submission e disciplina de partit. Totun, eth sindic Barrera a manifestat dejà publicament que Aran a de demorar ath costat de Catalunya quan aguesta sigue un estat independent. Tot eth mèn respècte as posicions de CDA favorables ara independéncia de Catalunya, ara ben, es evidéncies deth reiterat mautracte e mensprètz qu’a patit era Val d’Aran cada viatge que govèrne era dreta nacionalista en Catalunya son ben comprovables.
Messies e profètes aguesti, que profiten eth sòn cargue public entà promocionar-se politica e personaument, en tot deishar totaument de costat es sues obligacions ath capdauant des sòns departaments. E er exemple mès clar l’auem damb er actuau director de politica lingüistica deth Conselh Generau d’Aran. En dus ans e miei era produccion e activitat d’aguest departament a estat nulla e mancada de rigor e projècte. Autant en àmbit lingüistic coma culturau non i a agut cap tipe d’auanç ne dera mès minima gestion, mès enlà deth trabalh diari des tecnics que son en definitiva, es que mantien es parets en pè. S’a acabat damb tot aquerò que, encara que foncionèsse, siguec encetat per d’auti colors politics, e non s’a agut cap tipe de vergonha ne ètica en destinar recorsi entà promocionar a familhars e coneishuts, causa qu’aurà estat legau, mès que ditz fòrça dera qualitat ètica e democratica d’aqueri que, teoricament, mos representen a toti.
Pòc luenh en demore tanben er Ajuntament de Vielha Mijaran, a on eth sòn alcalde Alex Moga vòte en Parlament contra es ajudes demanades entà Aran. Per non parlar, entre d’auti, des problèmes ocasionadi pera nhèu enes pòbles deth municipi e dera manca totau e absoluta de solucions per part deth sòn alcalde, ath delà deth talant prepotent damb eth que se tracte as vesins e vesies que manifèsten era sua preocupacion e indignacion.

En definitiva, desvalhestament damb lh, òc, autoctòn e pròpri e damb identitat diferenciada, mès en tot cas, desvalhestament hèt a imatge e semblança d’aqueri que damb era excusa dera dignitat, pòrten tres ans sense auançar ne miei mètre en tot voler dar leçons d’ètica.

16 des. 2013

Desvalhestament, damb lh.

Darrèrament è tot soent era sensacion qu’es aconteishements se precipiten caoticament, e que controladi pes interèssi de quauqui autoproclamadi messies, sonque hèn qu’alimentar crispacions, faussetats e òdis que, en nòm deth progrès e dera defensa dera dignitat des persones, tenhíssen cada còp mès de nere eth futur que mos aperten a toti e totes.
Aguesta corrent messianica a arribat tanben en Aran, ua corrent que proclame lèu era fin deth mon en cas de non combregar damb ues tèsis o d’autes, e mès encara, qu’etiquete coma “anticrist” a toti aqueri que non ac hèn. Profètes sense ofici ne benefici qu’an desintegrat tot aquerò que les a arribat enes mans tostemp que n’an agut era ocasion, e que sagen d’apoderar-se de simbèus e identitats, que tanben son de toti, e des qu’en d’auti tempsi renegauen, entath sòn benefici personau e partidista.
Enes institucions araneses governades per Convergéncia Democratica Aranesa aguest messianisme s’a convertit dejà ua manèra de víuer. Sonque cau comprovar era innaccion installada en Conselh Generau d’Aran, a on un sindic Barrera dedique toti es sòns esfòrci a mantier eth seguidisme e era obediéncia cèga ath govèrn dera Generalitat e ath president Mas, encara qu’aquerò signifique anar contra es interèssi d’Aran: accèpten retalhades en pressupòst que supòsen era condemna ath desbrembe deth nòste país e dera sua gent, accèpten que non i age cap inversion en Aran dempús des aiguats e mentrestant er aeropòrt de La Seu d’Urgell recebe mès d’un milion d’euros dera Generalitat…e tot açò damb grana dòsi de submission e disciplina de partit. Totun, eth sindic Barrera a manifestat dejà publicament que Aran a de demorar ath costat de Catalunya quan aguesta sigue un estat independent. Tot eth mèn respècte as posicions de CDA favorables ara independéncia de Catalunya, ara ben, es evidéncies deth reiterat mautracte e mensprètz qu’a patit era Val d’Aran cada viatge que govèrne era dreta nacionalista en Catalunya son ben comprovables.
Messies e profètes aguesti, que profiten eth sòn cargue public entà promocionar-se politica e personaument, en tot deishar totaument de costat es sues obligacions ath capdauant des sòns departaments. E er exemple mès clar l’auem damb er actuau director de politica lingüistica deth Conselh Generau d’Aran. En dus ans e miei era produccion e activitat d’aguest departament a estat nulla e mancada de rigor e projècte. Autant en àmbit lingüistic coma culturau non i a agut cap tipe d’auanç ne dera mès minima gestion, mès enlà deth trabalh diari des tecnics que son en definitiva, es que mantien es parets en pè. S’a acabat damb tot aquerò que, encara que foncionèsse, siguec encetat per d’auti colors politics, e non s’a agut cap tipe de vergonha ne ètica en destinar recorsi entà promocionar a familhars e coneishuts, causa qu’aurà estat legau, mès que ditz fòrça dera qualitat ètica e democratica d’aqueri que, teoricament, mos representen a toti.
Pòc luenh en demore tanben er Ajuntament de Vielha Mijaran, a on eth sòn alcalde Alex Moga vòte en Parlament contra es ajudes demanades entà Aran. Per non parlar, entre d’auti, des problèmes ocasionadi pera nhèu enes pòbles deth municipi e dera manca totau e absoluta de solucions per part deth sòn alcalde, ath delà deth talant prepotent damb eth que se tracte as vesins e vesies que manifèsten era sua preocupacion e indignacion.

En definitiva, desvalhestament damb lh, òc, autoctòn e pròpri e damb identitat diferenciada, mès en tot cas, desvalhestament hèt a imatge e semblança d’aqueri que damb era excusa dera dignitat, pòrten tres ans sense auançar ne miei mètre en tot voler dar leçons d’ètica.